„Mér líður ótrúlega vel. Höldum enn of aftur hreinu og það er allt sem maður vill sem varnarmaður þannig að ég er ánægður." Segir Oliver Ekroth eftir frábæra frammistöðu sína í kvöld gegn FH í 2-0 sigri Víkinga.
Lestu um leikinn: Víkingur R. 2 - 0 FH
Víkingar voru með öll völd á vellinum í fyrri hálfleik en var í nauðvörn nær allan seinni hálfleikinn en náðu þó að halda hreinu.
„Við yfirspiluðum þá allan fyrri hálfleikinn. Þeir sátu til baka frekar aftarlega. Í seinni hálfleik pressa þeir aðeins hærra sem gerði okkur aðeins erfitt fyrir. Við vorum ekki upp á okkar besta og vorum of rólegir á boltanum. FH eru of góðir til þess að við getum spilað svoleiðis. Þeir eiga sín færi, Ingvar ver mjög vel."
Vörn Víkinga hefur verið frábær í upphafi móts. Eitt mark fengið á sig eftir sjö umferðir. Á sama tíma í fyrra voru mörkin fjortán talsins í marki Víkinga.
„Ég veit ekki hvað hefur breyst. Ég held að allir séu með betri skilning á því hvernig við spilum. Leikstíll okkar hefur líka breyst lítillega. Við gerum færri klaufaleg mistök í uppspli á okkar vallarhelmingi og það hjálpar."
Víkingur er með fullt hús stiga eftir sjö umferðir. Blikar unnu til dæmis fyrstu átta leikina í fyrra þegar þeir unnu titilinn mjög auðveldlega. Menn hljóta að spyrja sig hversu lengi þetta getur haldið áfram hjá Víkingum.
„Sigurgangan gengur eins lengi og við viljum. Ég held að við séum okkar helsti óvinur. Ef við höldum ekki einbeitingu eins og gerðist í seinni hálfleik í dag að þá fáum við á okkur of mörg færi.Ef okkur tekst að halda einbeitingu í 90 mínutur er erfitt að sigra okkur og skora mörk gegn okkur."
VIðtalið er í heild sinni hér að ofan.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
