Fotbolti.net
14.06.17 - 13:17
Elvar Geir Magnússon
- Laugardalsvelli

Man City mætir West Ham í Laugardal 4. ágúst (Staðfest)

Leikurinn verður 14:00 á föstudeginum um verslunarmannahelgina

Pep Guardiola.

Pep Guardiola.

Canon

Mynd: Getty Images

Pep Guardiola og lærisveinar í Manchester City mæta á Laugardalsvöll og leika gegn West Ham í æfingaleik um verslunarmannahelgina.

Rúmri viku síðar fer enska úrvalsdeildin svo af stað.

Leikurinn var kynntur á flottum fréttamannafundi í Laugardalnum en hann gengur undir nafninu \"The Super Match\".
Leikurinn verður föstudaginn 4. ágúst klukkan 14:00 að íslenskum tíma. Bæði lið mæta með aðallið sín til keppni og verður leikið til þrautar. Ef jafnt er að loknum 90 mínútum verður farið í vítaspyrnukeppni.

Manchester City mun að öllum líkindum fara hamförum á leikmannamarkaðnum í sumar og verður áhugavert að sjá liðið í síðasta æfingaleik fyrir mót.

West Ham á fjölmarga stuðningsmenn hér á landi en liðið hafnaði í ellefta sæti ensku úrvalsdeildarinnar á liðinni leiktíð.

Guðni Bergsson, formaður KSÍ og fyrrum leikmaður í ensku úrvalsdeildinni, kynnti leikinn á fréttamannafundinum en ásamt honum voru Þorvaldur Örlygsson, Jóhannes Karl Guðjónsson og Eiður Smári Guðjohnsen sem allir hafa leikið í efstu deild á Englandi.

Leikur Man City og West Ham á Laugardalsvlli 4. ágúst. Kynningarfundur í Laugardalnum að hefjast. #fotboltinet pic.twitter.com/qbC01Ooahm

— Elvar Geir Magnússon (@elvargeir) June 14, 2017

Leikið verður á Laugardalsvelli.

Leikið verður á Laugardalsvelli.

Canon

Mynd: Fótbolti.net - Hafliði Breiðfjörð

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.