Marcus Rashford, leikmaður Manchester United og enska landsliðsins, var ánægður með viðbrögð Ivelin Popov, fyrirliða búlgarska landsliðsins, en hann ræddi við stuðningsmenn Búlgaríu í hálfleik og bað þá um að haga sér.
Það hefur mikið verið rætt og ritað í kvöld um hegðunina sem búlgörsku stuðningsmennirnir buðu upp á kvöld.
Búlgörskur stuðningsmennirnir voru með kynþáttaníð í garð Tyrone Mings og fleiri leikmanna enska liðsins og þurfti að stöðva leikinn í tvígang.
Leikmenn enska liðsins kláruðu leikinn og unnu hann sannfærandi, 6-0. Rashford var þó afar þakklátur Ivelin Popov, fyrirliða Búlgaríu, fyrir hans hlutverk en hann ræddi við stuðningsmenn í hálfleik og bað þá um að hætta.
„Þetta var ekki auðvelt staða að spila í þessum leik og þetta ætti ekki að vera gerast árið 2019. Ég er stoltur að við létum þetta ekki hafa áhrif á okkur og náðum í þrjá punkta en það þarf að eyða þessu úr íþróttinni," sagði Rashford á Instagram.
„Ég er þakklátur fyrir ensku stuðningsmennina. Þið ákváðuð að styðja við bakið á okkur á mjög þýðingarmikinn hátt og við erum þakklátir fyrir það. Farið varlega og góða ferð heim."
„Mér var líka sagt frá því sem fyrirliði Búlgaríu gerði í hálfleik og það þarf mikið hugrekki til að gera rétta hlutinn í þessari stöðu og það á ekki að horfa framhjá því," sagði hann í lokin.
'Acts like that shouldn’t go unnoticed'
— MailOnline Sport (@MailSport) October 14, 2019
Marcus Rashford praises 'courage' of Bulgaria captain Ivelin Popov for appealing to fans at half-time to stop racist taunting of England playershttps://t.co/vb0HYEBLMe pic.twitter.com/URL80baEYO
Athugasemdir