Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
   mán 14. október 2019 09:42
Elvar Geir Magnússon
Vardy búinn að eyða Rooney af samfélagsmiðlum
Wayne Rooney og Jamie Vardy. Þegar allt lék í lyndi.
Wayne Rooney og Jamie Vardy. Þegar allt lék í lyndi.
Mynd: Getty Images
Jamie Vardy, sóknarmaður Leicester, hefur eytt Wayne Rooney af samfélagsmiðlum sínum.

Hann stendur með eiginkonu sinni í áhugaverðum deilum við eiginkonu Rooney.

Coleen, eiginkona Wayne Rooney, sagði í síðustu viku frá því að hún hefði með klækjabrögðum komist að því að Rebekah Vardy væri að leka upplýsingum af lokaðri Instagram síðu sinni til slúðurblaða.

Sjá einnig:
Coleen Rooney ásakar Rebekah Vardy um að leka sögum til Sun

Vardy og Rooney voru góðir vinir þegar þeir spiluðu saman fyrir enska landsliðið en nú hefur Vardy eytt honum af Instagram og Twitter.

Rebekah hefur neitað sök og eiginmaðurinn stendur þétt við bakið á henni.

„Ég kunni mjög vel við þig Coleen og ég er svo svekkt að þú hafir ákveðið að gera þetta, sérstaklega þegar ég er komin langt á leið," sagði Rebekah í svari til Coleen.
Athugasemdir
banner
banner
banner
banner
banner