Fotbolti.net
14.11.18 - 06:00
Ívan Guðjón Baldursson
Ítalska deildin

Velazquez rekinn frá Udinese - Nicola tekur við (Staðfest)

Davide Nicola hjólaði 1300 kílómetra til að fagna þegar Crotone bjargaði sér frá falli í fyrra.

Davide Nicola hjólaði 1300 kílómetra til að fagna þegar Crotone bjargaði sér frá falli í fyrra.

Canon

Mynd: Getty Images

Udinese er búið að reka þjálfarann Julio Velazquez frá félaginu eftir arfaslaka byrjun á tímabilinu.
Velazquez var ráðinn til félagsins í byrjun júní og entist því í rétt rúma fimm mánuði. Davide Nicola tekur við af honum.

Starfsteymi Velazquez var rekið með honum en það verður áhugavert að sjá hvernig Nicola mun vegna í nýju starfi.

Hann gerði garðinn frægan þegar hann bjargaði Crotone frá falli úr Serie A tímabilið 2016-17 en var rekinn hálfu ári síðar og hefur ekki stýrt félagi síðan.

Udinese er aðeins með níu stig eftir tólf fyrstu umferðirnar í ítölsku deildinni.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.