Byrjunarlið Íslands: Tveir nýliðar byrja

Ísland mætir Kanada í vináttuleik í Bandaríkjunum. Byrjunarliðið hefur verið tilkynnt.

Leikurinn hefst 23:59 og verður fylgst með í beinni textalýsingu hérna.

Hannes Þór Halldórsson er í markinu og Kári Árnason ber fyrirliðabandið. Fyrir utan þá eru menn með talsvert minni reynslu í byrjunarliðinu.

Hólmar Örn Eyjólfsson og Viðar Örn Kjartansson hafa verið reglulega í hópunum og þá voru Mikael Neville og Aron Elís Þrándarson í hóp seinni hluta síðasta árs.

Búast má við því að Kjartan Henry og Viðar leiði framlínuna, Höskuldur, Mikael, Aron Elís og Alex Þór verði þar fyrir aftan. Davíð Kristján og Daníel verða í bakvörðunum og Hólmar Örn og Kári í hjarta varnarinnar. Höskuldur og Daníel Leó leika í kvöld sinn fyrsta landsleik.