Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   mið 15. janúar 2020 23:45
Sæbjörn Þór Þórbergsson Steinke
Henry krækir í Tabla frá Barcelona (Staðfest)
Mynd: Getty Images
Montreal Impact í MLS-deildinni krækti í dag í leikmann frá Barcelona. Leikmaðurinn er Ballou Tabla sem er vængmaður.

Tabla er fæddur á Fílabeinsströndinni en er með kanadískt ríkisfang. Hann hefur leikið tvo landsleiki með Kanada. Hann var í landliðshópnum í verkefni á síðasta ári en er ekki í hópnum sem mætir Íslandi seinna i kvöld.

Tabla kom til Barcelona árið 2018 frá Montreal en snýr nú alfarið til baka. Tabla er tvítugur vængmaður. Hann var lánaður til Albacete seinni hluta tímabilsins í fyrra og svo í kjölfarið lánaður til Montreal út síðasta keppnistímabil í MLS.

Tabla lék ekki aðalliðsleik hjá Barcelona á tíma sínum hjá félaginu. Thierry Henry, fyrrum leikmaður Barcelona og Arsenal, er þjálfari Montreal. Kaupverðið er óuppgefið.
Athugasemdir
banner