Fotbolti.net
15.02.18 - 06:00
Fótbolti.net

Viktor Segatta í Þrótt Vogum (Staðfest)

Viktor og Úlfur Blandon, þjálfari Þróttara.

Viktor og Úlfur Blandon, þjálfari Þróttara.

Canon

Mynd: Þróttur Vogum

Sóknarmaðurinn Viktor Smári Segatta hefur gengið í raðir Þróttar í Vogum. Liðið komst upp úr 3. deildinni í fyrra.
Viktor spilaði 20 leiki með Gróttu í Inkasso-deildinni og bikar í fyrra. Hann skoraði í þeim fimm mörk. Í byrjun september fór hann til Noregs og kláraði árið með Stord í norsku 3. deildinni.

Hann var drjúgur tímabilið 2016 þegar Grótta vann sér sæti í Inkasso-deildinni. Hann skoraði 12 mörk í 21 leik í 2. deildinni.

Viktor, sem er fæddur 1992, er uppalinn FH-ingur, en hann hefur einnig leikið með Haukum og ÍR á sínum ferli, ásamt Gróttu.

Þá hafa Þróttarar fengið tvo unga leikmenn til sín. Finnur Árni Viðarson er tvítugur varnarmaður sem kemur frá Þrótti Reykjavík. Áður en hann fór til Þróttar R, í fyrra spilaði Finnur stórt hlutverk með 2. flokki FH.

Brynjar Sigþórsson er tvítugur sóknarmaður og kemur frá FH. Hann hefur verið í æfingahóp meistaraflokks FH í vetur.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.