Aron Einar Gunnarsson, miðjumaður Cardiff, var ansi ósáttur við að fá ekki vítaspyrnu í 2-0 tapinu gegn Burnley á laugardaginn.

Aron vildi meina að Charlie Taylor hafi brotið á sér og Dean hefði átt að dæma vítaspyrnu

„Þetta var klár vítaspyrna. Dómarinn sagði að ég hefði verið að leita að snertingunni sem er ekki rétt. Ég hef aldrei gert það á ævinni," sagði Aron.

„Það var farið í ökklann á mér og ég er búinn að skoða þetta aftur. Fyrir utan teig hefði hann í 100% tilfella dæmt aukaspyrnu."

Cardiff er í erfiðri stöðu, í fallsæti og fimm stigum frá öruggu sæti.

„Við munum auðvitað berjast til loka. Á endanum gerðum við ekki nóg til að fá neitt gegn Burnley," sagði Aron sem er á sínu síðasta tímabili með Cardiff. Eftir tímabilið gengur hann í raðir Al-Arabi í Katar.

Tweet

Senda a Facebook Hafdu samband Senda frétt Prenta frétt Frétta leit