Malen, Maguire, Rashford, Greenwood, Yoro, Eriksen og fleiri góðir í slúðri dagsins
   fim 15. apríl 2021 17:30
Sæbjörn Þór Þórbergsson Steinke
Viðtal
„Ástæða fyrir því að Arnar, Biddi og Bjarni eru í HK"
Birnir Snær Ingason
Birnir Snær Ingason
Mynd: Fótbolti.net - Hafliði Breiðfjörð
Arnar Freyr Ólafsson
Arnar Freyr Ólafsson
Mynd: Fótbolti.net - Hafliði Breiðfjörð
Guðmundur Þór Júlíusson, miðvörður HK, ræddi við fréttaritara um komandi tímbil með HK.

Í fyrsta hluta viðtalsins kom Gummi inn á það að Leifur Andri Leifsson, fyrirliði HK, væri eitthvað tæpur vegna meiðsla.

Fyrsti hluti:
Gummi Júl: Menn eiga ekki að líta á HK sem skref niður á við

Gummi var því spurður að því hver væri varafyrirliði liðsins þegar Leifur væri ekki til taks.

„Ég er það. Ég kom í HK 2014 á láni frá Fjölni og geng svo í raðir félagsins 2015. Leibbi var gerður fyrirliði 2016 þegar Jói Kalli tók við, ég var varafyrirliði þá og það hefur haldist þannig síðan," sagði Gummi.

„Við Leifur sjáum um þau mál og þekkjum það inn og út hvað það er að spila fyrir HK, vitum um hvað verkefnið snýst og allir í kring leita mikið til okkar líka."

„Og ég tala ekki um leikmenn, það er ástæða fyrir því að leikmenn eins og Birnir [Snær Ingason], Bjarni [Gunnarsson] og Arnar [Freyr Ólafsson] eru í HK. Ég spilaði með þeim öllum í Fjölni og við erum góðir vinir."

„Allt þetta í kring, að fá leikmenn til félagsins, það er mikilvægt að leikmenn sýni fordæmi í því að fá aðra til félagsins. HK hefur verið þannig að það er vel tekið á móti mönnum og menn vilja fá þá aftur ef þeir hafa smollið inn í hópinn og félagið,“
sagði Gummi.

Eins og hann kom inn á þá lék hann með þeim Arnari, Birni og Bjarna í Fjölni á sínum tíma. Bjarni kom í HK árið 2016 eftir stopp í ÍBV, Birnir kom árið 2019 eftir stopp hjá Val og Arnar kom árið 2016 eftir stopp hjá Leikni Reykjavík.

Fyrsti hluti:
Gummi Júl: Menn eiga ekki að líta á HK sem skref niður á við


Bjarni Gunnarsson
Athugasemdir
banner
banner
banner