Kína hefur dregið sig til baka sem gestgjafi Asíubikarsins á næsta ári vegna slæms ástands í landinu.
Covid-19 herjar á Kínverja sem aldrei fyrr eftir að þeir náðu góðum tökum á veirunni í upphafi faraldursins. Ríkisstjórnin telur ekki öruggt að halda stórmót í landinu á meðan veiran leikur lausum hala.
Asíubikarinn 2023 átti að fara fram í tíu mismunandi borgum Kína frá júní á næsta ári en nú verður að færa keppnina til annars lands.
Kína átti einnig að hýsa Asíuleikana 2022, þar sem keppt er í ýmsum íþróttum, í september á þessu ári en þeim hefur verið frestað vegna faraldursins.
Athugasemdir