Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   sun 15. maí 2022 10:30
Ívan Guðjón Baldursson
Ten Hag vill Kante á miðjuna
Powerade
Mynd: EPA
Mynd: EPA
Mynd: EPA
Mynd: Getty Images

Powerade býður íslenskum fótboltaaðdáendum góðan sunnudag og byrjar þennan fótboltamikla dag á ferskum og brakandi slúðurpakka



Erik ten Hag vill fá N'Golo Kante, 31, til Manchester United. (Mirror)

FC Bayern ætlar að fá Sadio Mane, 30, frá Liverpool til að fylla í skarðið ef Robert Lewandowski fer til Barcelona. (Bild)

Lewandowski, 33, er búinn að samþykkja þriggja ára samning við Barcelona. (Times)

Ousmane Dembele, 24, gæti farið í hina áttina þar sem hann er á óskalista Bayern. Dembele getur skipt um félag frítt í sumar. (Sky Sports)

Frenkie de Jong, 25 ára miðjumaður hollenska landsliðsins og Barcelona, vill ólmur fara til Man Utd og er reiðubúinn til að fórna rúmlega 5 milljónum evra af ógoldnum launum fyrir félagaskiptin. (Sun)

Juventus er að krækja í Paul Pogba, 29, á frjálsri sölu í sumar. (Goal)

Dominic Calvert-Lewin, 25, vill frekar ganga til liðs við Arsenal heldur en Newcastle. (Football Insider)

Arsenal er búið að ná samkomulagi við Bologna um skoska bakvörðinn Aaron Hickey, sem er aðeins 19 ára. Arsenal þarf að greiða 25 milljónir evra fyrir Hickey sem mun berjast við samlanda sinn og landsliðsfélaga Kieran Tierney um byrjunarliðssæti. (Calciomercato)

Arsenal er að ganga frá félagaskiptum á Marquinhos, 19 ára sóknarmanni Sao Paulo, fyrir 3,5 milljónir evra. (ESPN)

Á sama tíma er Arsenal að undirbúa rúmlega 50 milljón evra tilboð í Gabriel Jesus, 25 ára sóknarmann Manchester City. (Fabrizio Romano)

Man City er að leita sér að vinstri bakverði og varnarsinnuðum miðjumanni í sumarglugganum. (Daily Mail)

Everton hafnaði tækifæri til að kaupa Haaland á 60 þúsund pund fyrir sex árum síðan. Þjálfarar hjá félaginu töldu hæfileika og mikla markaskorun Haaland vera tilkomna vegna stærðarmuns í hans aldursflokki, hann yrði ekki lengur áberandi góður eftir nokkur ár. (Times)

West Ham, Southampton og Brentford hafa öll áhuga á Bright Osayi-Samuel, 24 ára hægri bakverði Fenerbahce og nígeríska landsliðsins. (Football Insider)

Aston Villa hefur bætt sér við kapphlaupið um Joe Aribo, 25 ára miðjumann Nígeríu og Rangers. Steven Gerrard vill fá Aribo til sín en þarf að keppast við Crystal Palace og Brentford. (Sun)

Carlo Ancelotti, þjálfari Real Madrid, hefur staðfest að Eden Hazard, 31, verði áfram hjá félaginu á næstu leiktíð. (Goal)


Athugasemdir
banner
banner
banner
banner