„Ég er hrikalega sáttur. Við vorum flottir í dag og þetta var góður sigur," sagði Óskar Örn Hauksson, fyrirliði KR, eftir sigur á ÍA í Pepsi Max-deildinni í dag.
Lestu um leikinn: ÍA 1 - 3 KR
KR vann aðeins einn leik í fyrstu fjórum umferðunum en þeir eru núna komnir með fjóra sigra í röð og eru á toppi deildarinnar með 17 stig, einu stigi meira en ÍA og Breiðablik.
„Það er gott að vera á toppnum, en það snýst um að vera þar á réttum tíma. Við missum okkur ekki yfir því í augnablikinu, en það er gott að vera þar."
„Við vorum flottir í fyrri hálfleik. Það er dottið í logn núna, en það var vindur í leiknum og leikurinn litaðist aðeins af því. Þetta var flott," sagði Óskar.
„Það er erfitt að spila á móti þeim en þjálfararnir lögðu leikinn vel upp. Við vorum vel undirbúnir fyrir þennan leik og ég held að það hafi sést."
Viðtalið er hér að ofan.
Athugasemdir
