Byrjunarlið ÍBV og Víkings: Arnar gerir fimm breytingar - Guðjón Pétur búinn í straffi

Arnar Gunnlaugsson gerir fimm breytingar á liði sínu frá síðasta deildarleik gegn KA.

Ingvar Jónsson meiddist í landsliðsverkefninu og kemur því Þórður Ingason í rammann. Viktor Örlygur Andrason, Halldór Smári SIgurðsson, Birnir Snær Ingason, Erlingur Agnarsson koma allir inn í liðið.

Nikolaj Hansen, Ari Sigurpálsson, Helgi Guðjónsson og Kyle McLagan setjast á bekkinn.

Hermann Hreiðarsson gerir tvær breytingar á liði Eyjamanna en Atli Hrafn Andrason tekur út leikbann og þá kemur Tómas Bent Magnússon á bekkinn.

Elvis Okello Bwomono snýr aftur í liðið og þá kemur Sito einnig inn í byrjunarliðið. Guðjón Pétur Lýðsson er á bekknum en hann var ekki í hóp í síðustu tveimur leikjum eftir að honum lenti saman við Hermann í leik gegn ÍA.