Xherdan Shaqiri.
Xherdan Shaqiri hefur ákveðið að hætta að spila með landsliði Sviss. Evrópumótið í Þýskalandi var hans síðasta stórmót með liðinu.
Shaqiri hefur farið á sjö stórmót með þjóð sinni og er án efa einn besti leikmaður í sögu Sviss.
Shaqiri, sem er 32 ára, virtist alltaf líða best í landsliðsbúningnum en hann lék alls 125 landsleik fyrir Sviss og skoraði hann í þeim 32 mörk.
Þessi öflugi kant- og miðjumaður spilar í dag með Chicago Fire í Bandaríkjunum en hann lék áður með Lyon, Liverpool, Stoke, Inter, Bayern München og Basel.
Hans síðasti landsleikur var gegn Englandi á EM í Þýskalandi þar sem Sviss tapaði í vítaspyrnukeppni.
