Fotbolti.net
16.02.18 - 12:30
Magnús Már Einarsson

FH fær tvo leikmenn frá Bandaríkjunum (Staðfest)

FH fær tvo leikmenn frá Bandaríkjunum (Staðfest)
Canon

Mynd: FH

Kvennaboltinn
FH hefur gert samninga við tvo leikmenn frá Bandaríkjunum um að leika með liðinu næsta sumar. Þetta eru þær Tatiana Saunders og Hanna Barker.
Tatiana er markmaður, sem kom til landsins í janúar og æfði með liðinu í rúma viku. Í kjölfarið ákvað FH að bjóða henni samning um að spila með liðinu í Pepsi-deildinni í sumar. Hún er einnig með breskt ríkisfang og á að baki leiki með yngri landsliðum Englands.

Tatiana fær það verðuga verkefni að leysa Lindsey Harris af hólmi en hún fékk einungis 24 mörk á sig þegar FH endaði í 6. sæti í Pepsi-deildinni í fyrra.

Hanna Barker er sóknarmaður sem kemur til FH beint úr háskólaboltanum í Bandaríkjunum þar sem hún hefur spilað við góðan orðstír undanfarin ár og hefur jafnan verið fyrirliði í sínum liðum.

„Þessir leikmenn eru kærkomin viðbót við leikmannahóp FH fyrir komandi átök í Pepsí deildinn og við bjóðum þær velkomnar í Krikann,\" segir á Facebook síðu FH.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.