Fotbolti.net
16.03.19 - 13:45
Guðmundur Aðalsteinn Ásgeirsson

Essien til Aserbaídsjan (Staðfest)

Essien til Aserbaídsjan (Staðfest)
Canon

Mynd: Getty Images

Michael Essien, fyrrum miðjumaður Chelsea, er mættur til Aserbaídsjan þar sem hann mun spila með Sabail FK. Liðið leikur í efstu deild í Aserbaídsjan.
Hinn 36 ára gamli Essien skrifar undir samning til maí 2020 og verður hann einnig í þjálfarateymi U19 liðs félagsins.

Essien hefur verið án félags frá því hann yfirgaf Persib Bandung, sem er frá Indónesíu, á síðasta ári.

Essien er frá Gana og hefur leikið með stórliðum á borð við Chelsea, Real Madrid og AC Milan á sínum ferli.

Sabail er í höfuðborginni Bakú og hafnaði í sjöunda sæti efstu deildar á síðustu leiktíð. Félagið var stofnað fyrir þremur árum. Sabail er sem stendur í þriðja sæti deildarinnar, 14 stigum á eftir Qarabag. Landsliðsmarkvörðurinn Hannes Þór Halldórsson er á mála hjá Qarabag.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.