Fotbolti.net
16.04.18 - 14:00
Guðmundur Aðalsteinn Ásgeirsson

James Mack til liðs við Vestra (Staðfest)

James Mack er kominn í Vestra.

James Mack er kominn í Vestra.

Canon

Mynd: Vestri

Vestri gekk frá samningum við kantmanninn James Mack um helgina. Þetta kemur fram í frétt á heimasíðu félagsins.

Mack er 29 ára Bandaríkjamaður sem hefur undanfarin tvö ár spilað með Selfossi í Inkasso-deildinni. Hann hefur skorað 18 mörk í 52 leikjum fyrir Selfoss síðastliðin tvö ár.

Í fyrra gerði hann sjö mörk í 22 leikjum í Inkasso-deildinni.
James er annar leikmaðurinn sem kemur til Vestra frá Selfossi fyrir þetta tímabil, en Andy Pew kom einnig þaðan. Andy Pew verður spilandi aðstoðarþjálfari hjá Vestra í sumar en þjálfari liðsins er hinn reynslumikli Bjarni Jóhannsson.

Vestri, sem er í 2. deild, fór áfram í Mjólkurbikarnum um helgina með 18-2 sigri á Kóngunum.
Mack hefur verið í Selfossi síðustu tvö árin.

Mack hefur verið í Selfossi síðustu tvö árin.

Canon

Mynd: Fótbolti.net - Sævar Geir Sigurjónsson

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.