Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
   fös 16. apríl 2021 11:02
Elvar Geir Magnússon
Lengjubikarinn verður ekki kláraður
Breiðablik átti að mæta Keflavík í undanúrslitum.
Breiðablik átti að mæta Keflavík í undanúrslitum.
Mynd: Fótbolti.net - Hulda Margrét
Annað árið í röð verða ekki krýndir meistarar í Lengjubikarnum vegna Covid-19 veirufaraldursins.

Komið var að undanúrslitum keppninnar í A-deild karla þar sem Breiðablik átti að mæta Keflavík og Valur átti að leika gegn Stjörnunni. Í kvennaflokki var ekki búið að klára riðlakeppnina.

Keppnin verður ekki kláruð og ekki verða meistarar krýndir.

Af heimasíðu KSÍ
Stjórn KSÍ samþykkti á fundi sínum fimmtudaginn 15. apríl að stöðva keppni í öllum deildum Lengjubikarsins 2021 og að Meistarakeppni KSÍ 2021 fari ekki fram.

Úr fundargerð stjórnar:
Valgeir Sigurðsson formaður mótanefndar fór yfir upphaf móta meistaraflokka. Pepsi Max deild karla og forkeppni Mjólkurbikars karla munu hefjast síðar en til stóð. Aðrar deildir meistaraflokka og Mjólkurbikar kvenna eru óbreytt og leikið skv. núverandi leikjadagskrá. Staðan varðandi Lengjubikar og Meistarakeppni KSÍ var rædd. Stjórn KSÍ samþykkti að stöðva keppni í öllum deildum Lengjubikars KSÍ 2021 (karla og kvenna) að tillögu mótanefndar – keppninni er þar með lokið og ekki verða krýndir meistarar. Þá tók stjórn ákvörðun um að Meistarakeppni KSÍ (karla og kvenna) fari ekki fram árið 2021.
Athugasemdir
banner
banner
banner
banner
banner