Liðin umferð í ensku úrvalsdeildinni var frábær fyrir Manchester City. Liðið rúllaði yfir Luton á laugardag en á sunnudeginum töpuðu keppinautarnir í Liverpool og Arsenal bæði á heimavelli. Hér má sjá lið vikunnar, valið Garth Crooks sérfræðingi BBC.
Liðið er gríðarlega sterkt, Crooks segist leiður yfir því að hafa ekki getað fundið pláss fyrir Kevin de Bruyne og Mateo Kovacic.
Liðið er gríðarlega sterkt, Crooks segist leiður yfir því að hafa ekki getað fundið pláss fyrir Kevin de Bruyne og Mateo Kovacic.
Markvörður: Emiliano Martínez (Aston Villa) - Til að vinna Arsenal þarf allt að ganga upp, frá aftasta manni til hins fremsta. Martínez var með stáltaugar í rammanum.
Varnarmaður: Fabian Schär (Newcastle) - Skoraði í 4-0 sigrinum gegn Tottenham og sýndi fyrirmyndar baráttuhug.
Varnarmaður: Joachim Andersen (Crystal Palace) - Sýndi fyrirmyndar baráttuhug í hjarta varnarinnar hjá Palace sem gerði sér lítið fyrir og vann 1-0 sigur gegn Liverpool á Anfield.
Varnarmaður: Josko Gvardiol (Manchester City) - Er kominn á skotskóna, skoraði sitt fyrsta Meistaradeildarmark fyrir City á Bernabeu og fylgdi því eftir gegn Luton með sínu fyrsta úrvalsdeildarmarki.
Miðjumaður: Morgan Gibbs-White (Nottingham Forest) - Skoraði í 2-2 jafntefli gegn Wolves. Algjör lykilhlekkur í liði Forest og þarf að haldast heill til að Forest haldi velli í botnbaráttunni.
Miðjumaður: Cole Palmer (Chelsea) - Skoraði hina fullkomnu þrennu í fyrri hálfleik í 6-0 sigri gegn Everton. Hægri, vinstri, skalli. Bætti svo við sínu fjórða marki af vítapunktinum í seinni hálfleik.
Miðjumaður: Andreas Pereira (Fulham) - Stjarna sýningarinnar í 2-0 sigri Fulham gegn West Ham. Skoraði bæði mörkin.
Sóknarmaður: Jeremy Doku (Manchester City) - Tætti Luton í sig og átti mark og stoðsendingu. Rosaleg frammistaða.
Sóknarmaður: Alexander Isak (Newcastle) - Þessi magnaði sænski sóknarmaður skoraði tvívegis gegn Tottenham.
Sóknarmaður: Matheus Cunha (Wolves) - Sýndi samba fótavinnu þegar Úlfarnir gerðu 2-2 jafntefli gegn Nottingham Forest. Skoraði bæði mörk síns liðs.
Athugasemdir