Allegri orðaður við Man Utd - Modric að framlengja við Real Madrid
   þri 16. apríl 2024 10:00
Hafliði Breiðfjörð
Víkingur setti styrktarþjálfarann inná - Fór í faðm þjálfara Fram eftir leikinn
Styrktarþjálfarinn Óskar Örn gengur af stað til að hita upp leikmenn Víkinga í gær. Hann þurfti að sjá til þess að hann væri sjálfur klár í að koma inná líka ef þjálfarinn veldi það.
Styrktarþjálfarinn Óskar Örn gengur af stað til að hita upp leikmenn Víkinga í gær. Hann þurfti að sjá til þess að hann væri sjálfur klár í að koma inná líka ef þjálfarinn veldi það.
Mynd: Fótbolti.net - Hafliði Breiðfjörð
Óskar Örn kemur inná í fyrsta leik sínum í Bestu-deildinni með Víkingi.
Óskar Örn kemur inná í fyrsta leik sínum í Bestu-deildinni með Víkingi.
Mynd: Fótbolti.net - Hafliði Breiðfjörð
Þegar Guðjón Örn Ingólfsson styrktarþjálfari Víkings ákvað að söðla um í haust og skipta í uppeldisfélag sitt, KR voru góð ráð dýr enda vaxa góðir styrktarþjálfarar ekki á trjánum.

Víkingum datt í hug að kanna hug goðsagnarinnar Óskar Arnar Haukssonar til þess að taka að sér starfið en hann hafði verið að dempa niður leikmannaferilinn og var kominn í Grindavík í Lengjudeildinni.

Óskar Örn sló til en vildi aldrei setja að ferlinum væri lokið, heldur mætti hann alltaf með takkaskó í þjálfunina og spilaði með Víkingum í leikjum á undirbúningstímabilinu.

Þegar Besta-deildin hófst með leik Víkings og Stjörnunnar fyrr í mánuðinum var hann hinsvegar bara styrktarþjálfari en ekki leikmaður. Það breyttist í gærkvöld, Óskar Örn var skráður á skýrslu og þegar liðið var í basli með Framara var ákveðið að stökkva til og leita í reynsluna.

Óskar Örn kom inná síðustu 10 mínúturnar inn á vinstri kantinn fyrir Valdimar Þór Ingimundarson. Þegar leiknum lauk féll hann svo í faðm Rúnars Kristinssonar þjálfara Fram. Þeir voru í fjölda ára saman í KR og urðu þarna miklir endurfundir. Myndir fylgja með.
Innkastið - Víkingur vinnur leiki sem Valur vinnur ekki
Athugasemdir
banner
banner
banner