Vigdís borin af velli á Hlíðarenda - „Því miður því hún var búin að vera frábær áður en hún meiðist"
Vigdís borin af velli í kvöld.
Mynd: Fótbolti.net - Hafliði Breiðfjörð
Vigdís borin af velli í kvöld.
Mynd: Fótbolti.net - Hafliði Breiðfjörð
Núna í kvöld mættust Valur og FH í deild Bestu deild kvenna og endaði leikurinn með markalausu jafntefli.
Vigdís Edda Friðriksdóttir leikmaður FH lenti í því að þurfa vera borin af velli en um er að ræða meiðsli á hné eftir viðskipti sín við Helenu Ósk leikmann Vals.
Guðni: Settum tóninn fyrir það sem koma skal hjá FH
„Vigdís Edda liggur hér niðri eftir að hún tæklaði boltann frá Helenu Ósk. Börurnar hafa verið kallaðar inn á völlinn og það virðist sem Vigdís sé að fara útaf," skrifaði Brynjar Óli í beinni textalýsingu frá Hlíðarenda.
Guðni Eiríksson þjálfari FH var spurður út í atvikið og segir að um sé að ræða hnémeiðsli og það veit aldrei á gott.
„Ég veit það ekki enþá., hún fer útaf á börum og er núna upp á spítala. Þetta er hnéð á henni og það veit ekki á gott, því miður því hún var búin að vera frábær áður en hún meiðist," sagði Guðni en FH fer upp í Úlfarsárdal og mætir nýliðum Fram í næstu umferð.
