Fotbolti.net
16.06.18 - 18:11
Guðmundur Aðalsteinn Ásgeirsson

Maradona sakaður um kynþáttafordóma á Íslandsleiknum

Maradona fangaði athyglina í stúkunni.

Maradona fangaði athyglina í stúkunni.

Canon

Mynd: Getty Images

Icelandair
Argentíska goðsögnin Diego Maradona var í stúkunni þegar Ísland og Argentína áttust við á HM í fótbolta í dag.

Leikurinn fór ekki eins og Maradona vildi, lokaniðurstaðan var 1-1.
Maradona vakti mikla athygli í stúkunni. Hann braut reglur á leiknum þegar hann kveikti sér í vindil í stúkunni en það sem verra er, þá hefur hann verið sakaður um kynþáttafórdóma á leiknum. Jacqui Oatley, sem var á leiknum fyrir BBC, sakar Maradona um kynþáttafordóma.

„Maradona er ekki svo svalur núna. Nokkrir stuðningsmenn Suður-Kóreu kölluðu \"Diego\" að honum og hann svaraði með brosi, kossi og veifaði til þeirra. Svo togaði hann augu sín til hliðar og var með kynþáttafordóma í þeirra garð. Við sem sáum þetta vorum furðulostin,\" skrifar Jacqui á Twitter.

Fjölmiðlakonan Seema Jaswal tekur undir orð hennar. „Ég sit við hliðina á Jacqui og sá það sem Maradona gerði. Hann á að vita betur. Strákarnir voru að mynda hann og voru svo spenntir að fá mynd með honum. Þetta var svar hans.\"

Maradona not so cool now. Some South Korea fans just shouted “Diego” and he obliged with a smile, kiss and wave. Then pulled his eyes to the side in a clearly racist gesture. All of us who saw it are stunned.

— Jacqui Oatley (@JacquiOatley) June 16, 2018


Hvatningarorð frá Maradona
Ekki gott hjá Maradona en hann birti færslu á Instagram eftir leikinn þar sem hann ritaði hvatningarorð til Argentínumanna.

„Við verðum að halda áfram að hvetja liðið, áfram Argentína!\" skrifaði Maradona og minnti þar á liðið frá 1990 sem tapaði fyrsta leik á HM óvænt gegn Kamerún. Maradona var fyrirliði liðsins sem komst alla leið í úrslitaleikinn. Þegar þangað var komið var niðurstaðan hins vegar 1-0 tap gegn Vestur-Þjóðverjum.\"
Ísland náði jafntefli við Argentínu.

Ísland náði jafntefli við Argentínu.

Canon

Mynd: Fótbolti.net - Hafliði Breiðfjörð

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.