Byrjunarlið Víkings og KR: Vatnhamar byrjar - Eiður Gauti á bekknum

Sölvi Geir Ottesen gerir þrjár breytingar á byrjunarliði sínu frá 1-2 bikarsigri gegn ÍA uppi á Skaga síðastliðinn föstudag.

Inn í liðið koma landsliðsmennirnir tveir, Gylfi Þór Sigurðsson og Gunnar Vatnhamar, ásamt Erlingi Agnarssyni.

Sveinn Gísli Þorkelsson, Ármann Ingi Finnbogason og Tarik Ibrahimagic taka sér sæti á bekknum. Jóhannes Kristinn Bjarnason er utan hóps hjá Víkingum.

Óskar Hrafn Þorvaldsson gerir tvær breytingar frá 5-3 sigri KR gegn KA í Vesturbænum í síðustu umferð.

Stefán Árni Geirsson og Orri Hrafn Kjartansson koma báðir inn í liðið á kostnað Eiðs Gauta Sæbjörnssonar og Sigurðar Breka Kárasonar. Stefán fer væntanlega fremstu stöðuna líkt og gegn Val fyrr í sumar þar sem hann skoraði tvö mörk.

KR endurheimtir Alexander Rafn, Arnór Ingva og Ástbjörn Þórðarson úr meiðslum og eru þeir allir í hóp. Arnór er sá eini sem byrjar en hann fór meiddur af velli gegn KA.

Fljótt á litið er leikmannaval KR örlítið varnarsinnaðra en hefur tíðkast á tímabilinu.