Grótta tapaði 2-0 fyrir Tindastól í Lengjudeild kvenna í kvöld
Magnús Örn Helgasson, þjálfari Gróttu.
„Ég er bara svekktur. Fannst við eiga fína möguleika í leiknum og það var ýmislegt sem vantaði en við gerðum margt vel og þegar upp er staðið þá er ég svekktur yfir að hafa tapað leiknum.“ Sagði Magnús Örn Helgasson, þjálfari Gróttu eftir 2-0 tap á móti Tindastól í Lengjudeild kvenna í kvöld.
Lestu um leikinn: Grótta 0 - 2 Tindastóll
“Við komum okkur sennilega of sjaldan að vítateignum hjá þeim, jú sköpuðum eitthver færi, mark dæmt af okkur, skutum í slánna, en já við hefðum bara getað spilað aðeins betri fótbolta.“
„Eins og við lögðum leikinn upp varnarlega þá voru stelpurnar alveg til fyrirmyndar og það voru allir að hlaupa, allir að berjast og við reyndum að koma okkur inn í leikinn alveg þangað til að dómarinn flautaði af, þannig það er bara frábært og klárlega eitthvað til að byggja á.“
Á 72.mínutu skullu fyrirliðar liðanna saman. Tinna lá eftir á gervigrasinu og fór strax út af.
„Sjúkraþjálfarinn er aðeins búinn að taka stöðuna og við í rauninni vitum ekkert fyrr en bara um helgina. Við vitum kanski lítið en það varð að gera skiptingu.“
Grótta tekur á móti Haukum í næstu umferð og segir Magnús að Haukar eru með eitt af betri liðum deildarinnar.
„Við þurfum að eiga okkar besta leik, bæði varnarlega og sóknarlega. Vonandi bara náum við því og þá eru klárlega möguleikar í stöðunni.“
Viðtalið í heild sinni má nálgast í spilaranum hér að ofan.
Athugasemdir
