Fótbolti.net

Dagný: Ég hefði viljað ná að brjóta

Haddi: Ég skil ekki af hverju allir efast um Viðar

Ívar Örn: Það fer okkur mjög vel að spila hér í Laugardalnum

Grímsi: Vonandi er stíflan brostin sem ég er búinn að vera að glíma við

Óskar Hrafn: Ekkert grín að vera með þrjá fullvaxta karlmenn sem fá að faðma þig

Á tvo fulltrúa í íslenska liðinu - „Átti alveg von á því að hún yrði í þessum sporum"

Þorgerður Katrín: Ég hef alveg upplifað það verra

Pabbi Karólínu: Hún hafði einhverja áru yfir sér

Goðsögnin Ásta B: Þetta eru bara heimsklassa leikmenn

Kærasti Glódísar: Eigum við ekki bara að segja að það komi í ljós?

„Erfiðara að horfa á börnin mín en þegar ég var sjálf að spila"

Hemmi Hreiðars: Rosalegur karakterssigur

Aðalsteinn Jóhann: Ég hef ekki hugmynd um það

Gylfi Þór: Vonandi verður þetta jákvætt í lok tímabilsins

Lárus Orri: Frekar fúllt að labba héðan í burtu með ekkert stig

Eyjamenn stöðvuðu blæðinguna - „Maður er búinn að bíða eftir því"

Sölvi Geir: Ætla að vona að þetta sé að einhverju leyti vellinum að kenna

Haraldur Einar: Vaknaði ferskur og írskir dagar

Davíð Smári ósáttur með stóra ákvörðun - „Ofboðslega sorglegt"

Rúnar Kristins: Ég skaut fastar en hann bæði með hægri og vinstri

þri 16. ágúst 2022 22:08

Sverrir Örn Einarsson

Gunnar Magnús: M&M frammistaða hjá okkur í dag

Gunnar Magnús Jónsson þjálfari Keflavíkur

Mynd: Fótbolti.net - Hafliði Breiðfjörð

„Þetta var hrikalega ljúft, það er langt síðan við höfum unnið og þessi tilfinning er rosalega ljúf og risa stig. En það er nóg eftir og heljarinnar barátta framundan en þetta er eitthvað sem við getum byggt á.“
Sagði Gunnar Magnús Jónsson þjálfari Keflavíkur eftir 3-2 sigur Keflavíkurkvenna á Aftureldingu í Mosfellsbæ en bið Keflavíkur eftir sigri hefur verið löng en síðast unnu þær Stjörnuna um miðjan júní þó vissulega hafi langt EM hlé verið á milli líka.

Lestu um leikinn: Afturelding 2 - 3 Keflavík

Leikurinn í heild var kaflaskiptur mjög og eftir að Keflavík komst yfir eftir tuttugu mínútna leik fór heimakonum að vaxa ásmegin. Þær jöfnuðu svo fyrir hlé og komust yfir snemma í síðari hálfleik. Var farið aðm fara um Gunnar á bekknum í stöðunni 2-1 fyrir Aftureldingu?

„Já ég skal alveg viðurkenna það að það fór um mig. Við höfum oft ekki höndlað það vel að lenda undir og líka með Aftureldingu þar sem tveir síðustu sigrar hjá þeim eru eftir að þær skora snemma og ná að verjast vel. En risa hrós á stelpurnar að sýna risa karakter og að koma svona sterkar til baka.“

Keflavík fékk vítaspyrnu eftir um klukkustundar leik eftir að boltinn virtist fara í hönd varnarmanns Aftureldingar í teignum. Bekkurinn hjá Keflavík var vel á tánum og virtist vera með það á hreinu að um víti væri að ræða. Hvernig horfði atvikið við Gunnari?

„Já frá mínu sjónarhorni fer boltinn í hendina á henni og hún með hendina út frá líkamanum þannig að ég held að það sé ekki nokkur spurning. Þannig horfði þetta við mér og dómarinn hlýtur að hafa séð þetta vel og ég trúi ekki öðru en að þetta hafi verið hárrétt ákvörðun hjá honum.“

Sigurinn fleytir Keflavík í 13 stig og skapar liðinu smá andrými í baráttunni í neðri hluta deildarinnar. Hvernig sér Gunnar framhaldið?

„Við erum búin að vera í þessum 10 stigum í svolítin tíma en á einhvern hátt hangið í þessu sjöunda sæti. Smá andrými en þetta er fjarri því að vera búið. Þetta var svona M&M frammistaða hjá okkur í dag sem er svolítið innan okkar vébanda og við þurfum svona frammistöðu í hverjum einasta leik sem eftir er.“

Sagði Gunnar en allt viðtalið má sjá hér að ofan.

Í fyrri útgáfu fréttarinnar skrifaði fréttaritari upp úr viðtalinu að Gunnar hefði talað um Eminem frammistöðu. Eftir kurteisislega leiðréttingu frá Gunnari sjálfum skal það hér leiðrétt að um var að ræða sælgætið vinsæla M&M en ekki rapparann.