Aðeins England unnið stærri útisigur á Búlgaríu

Á tíunda áratugnum áttu Búlgarar mikilli velgengni að fagna og náðu meðal annars fjórða sæti á HM 1994 áður en þeir tryggðu sér sæti á Evrópumótinu tveimur árum síðar.

Síðan þá hefur mikið vatn runnið til sjávar og er búlgarska landsliðið nú langt frá þeim styrkleika sem það hafði áður fyrr.

Það sást berlega í gær þegar Búlgarar steinlágu 5-0 gegn Íslandi og urðu þar með fyrir sínu næststærsta tapi á heimavelli í sögunni.

Stærsta heimatapið kom gegn Englendingum í undankeppni EM í október 2019, þegar Búlgarar töpuðu 6-0.