Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   þri 16. ágúst 2022 11:15
Sæbjörn Þór Þórbergsson Steinke
Kehrer í læknisskoðun hjá West Ham í dag
Mynd: EPA
West Ham er að krækja í þýska varnarmanninn Thilo Kehrer frá PSG. Hann fer í dag í læknisskoðun hjá West Ham og verður í kjölfarið kynntur sem nýr leikmaður enska félagsins.

Kehrer hefur verið á mála hjá frönsku meisturunum í fjögur ár og hefur alls spilað 128 leiki fyrir félagið.

Hann spilar oftast sem miðvörður en getur einnig spilað í báðum bakvarðarstöðunum.

West Ham hefur verið í leit að varnarmanni eftir að ljóst varða að Issa Diop færi til Fulham og að Nayef Aguerd, sem félagið keypti í sumar, yrði frá í þrjá mánuði.

Kehrer er 25 ára og steig sín fyrstu skref í meistaraflokki hjá Schalke. Hann á að baki 20 A-landsleiki fyrir Þýskaland.

Talið er að West Ham greiðir rúmlega fimmtán milljónir punda fyrir varnarmanninn.
Athugasemdir
banner
banner
banner
banner