Mullin, sem er langbesti leikmaður Wrexham, hefur verið iðinn við kolann síðustu ár og hjálpað liðinu að fara upp um tvær deildir á tveimur árum.

Wrexham má alls ekki við því að missa svo mikilvægan leikmann og hann hefur líklega fattað það í einu áhugaverðasta atviki leiksins gegn Birmingham í kvöld.

Mullin og Alex Cochrane börðust í leiknum og í einu atvikinu fóru þeir báðir í grasið. Mullin var með andlitið við kálfa Cochrane og íhugaði alvarlega að bíta hann, en hætti við á síðustu stundu.

Ef hann hefði farið alla leið þá ætti hann yfir höfði sér margra leikja bann eins og úrúgvæski framherjinn fékk að kynnast fyrr á ferlinum, en hann hefur þrisvar sinnum verið dæmdur í bann fyrir að bíta andstæðing.