Frank Lampard, knattspyrnustjóri Chelsea, segir að Hakim Ziyech er klár í að spila með liðinu en liðið mætir Southampton í ensku úrvalsdeildinni á morgun.
Ziyech gekk til liðs við Chelsea í sumar frá Ajax enn á þó enn eftir að spila fyrir liðið.
Sóknartengiliðurinn meiddist á undirbúningstímabilinu gegn Brighton en Lampard segir að hann gæti fengið mínútur gegn Southampton á morgun.
Edouard Mendy, markvörður liðsins, er ekki með og sömu sögu má segja af Thiago Silva.
„Mendy er ekki klár í leikinn á morgun og vonandi verður hann ekki frá lengi. Thiago Silva er í góðu standi en hann er samt ekki klár að spila útaf ferðalaginu og leiknum sem hann spilaði með Brasilíu á dögunum, þannig hann verður ekki í hóp," sagði Lampard.
„Ben Chilwell, Christian Pulisic og Hakim Ziyech eru allir í hópnum. Ziyech er ekki klár í að byrja en hann getur vonandi fengið einhverjar mínútur," sagði hann ennfremur.
Athugasemdir