---

Stjórar sem gætu tekið við Arsenal hafa ekki áhuga á starfinu þar sem þeir telja að þeir fái ekki stuðninginn sem þarf til að styrkja hópinn. (Mirror)

Arsenal hefur ekki óskað eftir að fá að ræða við Nuno Espirito Santo, stjóra Wolves. (Express and Star)

Manuel Pellegrini verður væntanlega áfram við stjórnvölinn hjá West Ham í næsta leik gegn Crystal Palace á annan í jólum. (Guardian)

Chelsea er að skoða Josh Maja (20) framherja Bordeaux en hann lék áður með Sunderland. (90min.com)

Chelsea er einnig með varnarmanninn Ben White (22) á óskalista sínum. White hefur slegið í gegn á láni hjá Leeds frá Brighton en hann kostar 25 milljónir punda. (Sun)

Leikmenn Bayern Munchen vilja að félagið kaupi Philippe Coutinho (27) sem er á láni frá Barcelona. Coutinho var maður leiksins gegn Werder Bremen um helgina. (Mirror)

Duncan Ferguson, stjóri Everton, ætlar að ræða við Moise Kean eftir að hann tók framherjann af velli gegn Manchester United í gær, 19 mínútum eftir að hann kom inn á. Ferguson taldi að Kean hefði ekki náð að venjast hraðanum í leiknum. (Telegraph)

Liverpool mun vinna baráttuna um Sam McCallum (19) vinstri bakvörð Coventry og lána hann aftur til Coventry út tímabilið. (90min.com)

Swansea er í bílstjórasætinu í baráttunni um að fá Rhian Brewster (19) á láni frá Liverpool í janúar. Steve Cooper, stjóri Swansea, var þjálfari U17 ára liðs Englands sem varð heimsmeistari árið 2017 en Brewster var í því liði. (Telegraph)

Didier Deschamps, landsliðsþjálfari Frakka, er búinn að hvetja Olivier Giroud (33) til að fara frá Chelsea í janúar. Viðræður Giroud við Inter hafa siglt í strand en Frakkinn verður samningslaus næsta sumar. (Mirror)

Real Madrid er að skoða Ferran Torres (19) kantmann Valencia. (AS)

Andy Carroll, framherji Newcastle, telur sig fá ósanngjarna meðhöndlun frá dómurum. Carroll fékk gula spjaldið gegn Burnley á laugardag. (Mail)