Fotbolti.net
17.01.17 - 16:32
Elvar Geir Magnússon

Tom Carroll í Swansea (Staðfest)

Tom Carroll er mættur til Swansea.

Tom Carroll er mættur til Swansea.

Canon

Mynd: Getty Images

Swansea City gekk í dag frá kaupum á miðjumanninum Tom Carroll frá Tottenham en kaupverðið er 4,5 milljónir punda.

Paul Clement er að styrkja sinn leikmannahóp fyrir erfiða fallbaráttu ensku úrvalsdeildarinnar.
Carroll þekkir vel til á Libery leikvanginum en hann lék þrettán leiki fyrir liðið á lánssamningi 2014/15.

Þessi 24 ára leikmaður kemur úr unglingastarfi Tottenham en hefur aðeins spilað 24 deildarleiki fyrir aðalliðið síðan hann skrifaði undir atvinnumannasamning fyrir sjö árum.

Swansea er á botni deildarinnar og varnarleikurinn hefur verið hriplekur. Liðið mætir Liverpool á Anfield á laugardaginn og verður Carroll löglegur fyrir þann leik.

Fyrr í dag tryggði Swansea sér þjónustu Martin Olsson, sænska bakvörðinn frá Norwich. Eins og allir vita leikur íþróttamaður ársins 2016, Gylfi Þór Sigurðsson, með Swansea.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.