Bojana, 39 ára, spilaði fyrir Þór/KA í fjögur ár og var einnig partur af þjálfarateyminu þegar félagið fagnaði sínum fyrsta Íslandsmeistaratitli 2012.

Árið 2014 gekk Bojana til liðs við KR og starfaði þar í nokkur ár bæði sem leikmaður og þjálfari.

„Það þarf ekki að fara mörgum orðum um hversu mikilvægt það er að fá jafn reynslumikla manneskju og Bojönu inn í þjálfarateymi Þórs/KA og Hamranna," segir á vefsíðu Þórs.

„Bojana kemur til starfa síðar í þessum mánuði. Bjóðum Bojönu velkomna heim."