Magni er búinn að semja við þrjá leikmenn fyrir komandi átök í Inkasso-deild karla.
Tómas Örn Arnarson kemur að láni frá Þór. Hann er tvítugur og á sex leiki að baki með Þór í Inkasso-deildinni.
Þá eru tvíburarnir Rúnar Þór og Ágúst Þór Brynjarssynir búnir að skrifa undir tveggja ára samning við félagið.
Bræðurnir eru tvítugir. Rúnar á 23 leiki að baki fyrir Völsung á meðan Ágúst á þrjá leiki fyrir Völsung, einn fyrir Þór og níu fyrir ÍR.
Magni rétt bjargaði sér frá falli með því að ná í sjö stig úr síðustu þremur umferðum síðasta tímabils.
Magni semur við þrjá leikmenn fyrir átök sumarsins.
— Magni Grenivík (@MagniGrenivik) January 17, 2020
Tómas Örn Arnarson og bræðurnir Rúnar Þór og Ágúst Þór Brynjarssynir munu spila með okkur Magnamönnum í 1. deildinni í sumar. Tómas Örn kemur á láni frá Þór. Rúnar og Ágúst skrifuðu báðir undir 2 ára samning! ⚽️✍🏼#fotboltinet pic.twitter.com/mI54ynxkIF
Athugasemdir