Í dag staðfesti AC Milan tvö smit innan leikmannahóps sins og eru það tveir lykilmenn sem toppliðið missir frá sér á viðkvæmum tímapunkti tímabilsins.

Milan er með þriggja stiga forystu á toppi ítölsku deildarinnar og verður erfitt fyrir liðið að halda áfram á sigurbraut án bakvarðarins öfluga Theo Hernandez og Hakan Calhanoglu sem skapar færin. Þeir eru algjörir lykilmenn í öflugu liði Milan.

Rade Krunic og Ante Rebic eru einnig með Covid í leikmannahópi Milan og þá eru Rafael Leao og Gianluigi Donnarumma í leikbanni. Þeir verða því ekki með í næsta leik Milan á útivelli gegn Cagliari annað kvöld og munu einnig missa af stórleik og nágrannaslag gegn Atalanta um næstu helgi.