Fotbolti.net
17.04.19 - 07:00
Guðmundur Aðalsteinn Ásgeirsson

Afturelding lætur Ivan Moran fara (Staðfest)

Afturelding lætur Ivan Moran fara (Staðfest)
Canon

Mynd: Knattspyrnudeild Aftureldingar

Afturelding hefur ákveðið að leysa argentíska varnarmanninn Ivan Moran undan samningi, stuttu fyrir upphaf Inkasso-deildarinnar.
Þessi 26 ára gamli leikmaður samdi við Aftureldingu í mars. Hann hefur á ferli sínum lengst af leikið í heimalandi sínu Argentínu en hann hefur þó einnig leikið í Grikklandi og í úrvalsdeildinni í Gíbraltar.

Í tilkynningu frá Aftureldingu segir:

„Argentínski varnarmaðurinn Ivan Moran hefur verið leystur undan samningi og mun ekki leika með Aftureldingu í sumar. Ivan kom til félagsins í vetur en þótti ekki standast væntingar. Afturelding þakkar Ivan fyrir samstarfið og óskar honum alls hins besta í framtíðinni."

Afturelding hefur leik í Inkasso-deildinni 4. maí. Fyrsti leikur liðsins er gegn Þór á Akureyri.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.