Staðan á Martin Ödegaard, fyrirliða Arsenal, og sóknarleikmanninum Bukayo Saka verður skoðuð fyrir leikinn gegn Bayern München. Þetta sagði Mikel Arteta stjóri Arsenal á fréttamannafundi í gær.
Ödegaard var tekinn af velli þegar tíu mínútur voru eftir af tapleik Arsenal gegn Aston Villa á sunnudag og Saka sást haltra í lok leiksins.
Ödegaard var tekinn af velli þegar tíu mínútur voru eftir af tapleik Arsenal gegn Aston Villa á sunnudag og Saka sást haltra í lok leiksins.
„Við munum skoða þá fyrir leik og sjá hvernig staðan er," sagði Arteta.
Liðin mætast í München í 8-liða úrslitum Meistaradeildarinnar í kvöld eftir að fyrri leikurinn í London í síðustu viku endaði með jafntefli 2-2.
Arsenal vonast til þess að komast í undanúrslit Meistaradeildarinnar í fyrsta sinn í fimmtán ár. Bayern komst síðast í undanúrslit þegar liðið vann keppnina 2020.
Athugasemdir
