Aleksandar Linta þjálfari ÍBV á Hlíðarenda í dag.
Aleksandar Linta þjálfari ÍBV var eðlilega svekktur eftir leik þegar ÍBV missti niður 1-0 forystu og tapaði að lokum 1-2 gegn Val á Hlíðarenda í dag.
„Ég er ekki alveg viss með frammistöðuna, alltaf þegar maður tapar þá er maður aldrei viss. Ég þarf að sjá leikinn aftur til að vera alveg viss um það sem ég taldi mig hafa séð. Svolítið leiðinlegt að færa Valsmönnum þessi tvö mörk á silfurfati."
„Ég er ekki alveg viss með frammistöðuna, alltaf þegar maður tapar þá er maður aldrei viss. Ég þarf að sjá leikinn aftur til að vera alveg viss um það sem ég taldi mig hafa séð. Svolítið leiðinlegt að færa Valsmönnum þessi tvö mörk á silfurfati."
Lestu um leikinn: Valur 2 - 1 ÍBV
Eyjamönnum urðu fyrir því óláni að missa fyrirliða liðsins Alex Frey Hilmarsson af velli vegna meiðsla á 22. mínútu leiks.
"Við erum líka með aðra meidda leikmenn ekki bara hann. Hins vegar hef ég fulla trú á þeim leikmönnum sem ég er að þjálfa. Auðvitað söknum við fyrirliðans, hann er reynslumesti leikmaður liðsins."
Athygli vakti að Viggó Valgeirssyni var skipt af velli í hálfleik, var það vegna meiðsla eða vegna frammistöðu?
„Þetta var ákvörðun sem við tókum í hálfleik en ekki vegna meiðsla.""
En fannst Linta eins og sóknarleikurinn hafi drabbast niður eftir að Viggó var tekinn af velli?
„Já kannski en að sama skapi tapaði hann mörgum boltum í fyrri hálfleik og það er ástæða þess að við gerðum breytingar og settum öruggari leikmann inn á í hans stað."
„Viggó er auðvitað mjög góður leikmaður, hann var mjög góður í síðasta leik og hann verður góður í framtíðinni fyrir okkur líka. Þetta er allt saman eðlilegt."
Sjáðu viðtalið í heild í spilaranum hér að ofan.
