Sneri aftur á Kópavogsvöll.
„Ég hefði átt að nýta þessi tvö færi sem ég fékk og þá hefði þetta farið öðruvísi.“
Breiðablik vann 1-0 sigur á ÍA í 2. umferð Bestu deildarinnar fyrr í kvöld. Þá sneri Gísli Eyjólfsson aftur á Kópavogsvöll eftir um tveggja ára fjarveru.
Í þetta sinn klæddist hann gulri Skagatreyju í stað grænu Blikatreyjunnar. Hann gekk til liðs við ÍA fyrr í vetur eftir veru hjá Halmstads í Svíþjóð. Þar áður hafði hann verið lykilmaður í liði Breiðabliks. Gísli ræddi við Fótbolta.net að leik loknum.
Í þetta sinn klæddist hann gulri Skagatreyju í stað grænu Blikatreyjunnar. Hann gekk til liðs við ÍA fyrr í vetur eftir veru hjá Halmstads í Svíþjóð. Þar áður hafði hann verið lykilmaður í liði Breiðabliks. Gísli ræddi við Fótbolta.net að leik loknum.
Lestu um leikinn: Breiðablik 1 - 0 ÍA
„Leiðinlegt að tapa, svekkjandi. Sérstaklega í ljósi þess hvernig við komum út í seinni hálfleikinn. Þeir áttu fyrri hálfleikinn. Ég hefði átt að nýta þessi tvö færi sem ég fékk og þá hefði þetta farið öðruvísi. Stundum er þetta svona; Stöngin út.“
Hvernig var að mæta aftur á Kópavogsvöll?
„Það var gaman. Fínt andrúmsloft hérna. Svo er þetta eins og hver annar leikur.“
Gísli var spurður um þann mikla hita sem var í leiknum.
„Ég nenni ekki að fara tuða um þetta en þegar línan hjá dómaranum er svona þá auðvitað myndast hiti. Ég held að það sé eðlilegt,“ sagði Gísli og var spurður nánar út í hvað hann væri ósáttur við.
„Ég nenni ekki að fara nánar út í þetta. Ég hefði átt að nýta þessi færi mín og þá hefði þetta farið öðruvísi. Það getur hver og einn dæmt fyrir sig um þessi víti.“
Viðtalið má sjá í heild sinni í spilaranum hér að ofan.
