Maguire segist vera klár í slaginn

Maguire er byrjunarliðsmaður í enska landsliðinu og verður áhugavert að sjá hvort hann byrji næsta leik Englendinga sem er gegn nágrönnunum frá Skotlandi á morgun.

John Stones fékk högg í sigri Englendinga gegn Króatíu en það er ekki alvarlegt. Þá var Tyrone Mings með honum í hjarta varnarinnar.

„Mér líður vel, ég er búinn að vera að æfa vel. Það voru mikil vonbrigði að lenda í þessum meiðsli en mér líður vel núna. Ég þrái að byrja leikinn á föstudaginn. Þetta er stórleikur og ég er klár," sagði Maguire.

„Núna snýst þetta um sjálfstraust, ég þarf að spila keppnisleiki til að auka sjálfstraustið."