Steven Naismith, fyrrum leikmaður Everton, hefur lagt skóna á hilluna 34 ára gamall.
Þetta var staðfest í gær en Naismith hefur undanfarin þrjú ár leikið með Hearts í Skotlandi.
Fyrir það var leikmaðurinn á mála hjá Norwich eftir fjögurra ára dvöl í Liverpool-borg frá 2012 til 2016.
Naismith lék 103 deildarleiki fyrir Everton á þessum tíma og skoraði í þeim 18 mörk. Hann var áður hjá Rangers.
Naismith hefur ákveðið að samþykkja starf í stjórnarherbergi Hearts og mun því ekki leika með liðinu á næstu leiktíð.
Hann spilaði 21 leik og skoraði sex mörk á síðasta tímabili er Hearts komst aftur upp í efstu deild.
Athugasemdir