Fotbolti.net
17.07.19 - 20:02
Arnar Daði Arnarsson

Jóhannes Karl tekur við KR (Staðfest)

Jóhannes Karl.

Jóhannes Karl.

Canon

Mynd: Fótbolti.net - Hafliði Breiðfjörð

Kvennaboltinn
Jóhannes Karl Sigursteinsson hefur verið ráðinn þjálfari kvennaliðs KR í Pepsi Max-deildinni. Frá þessu var greint í fréttatilkynningu frá KR sem send var út rétt í þessu.
Jóhannes Karl tekur við liðinu af Bojana Besic sem sagði af sér í byrjun mánaðarins en hún hafði stýrt liðinu frá október 2017. Ragna Lóa Stefánsdóttir sem hefur verið aðstoðarþjálfari KR í sumar stýrði liðinu til sigurs í síðustu tveimur leikjum.

Jóhannes Karl þjálfaði síðast lið HK/Víkings til sigurs 1. deildinni sumarið 2017 en eftir tímabilið ákvað hann að hætta með liðið. Hann er því að koma til baka í meistaraflokksþjálfun eftir tæplega tveggja ára fjarveru.

KR er í 5. sæti deildarinnar með 10 stig en liðið hefur unnið tvo leiki í röð. Fyrsti leikur KR undir stjórn Jóhannesar verður gegn Val í 11. umferðinni, þriðjudaginn í næstu viku.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.