Lengjudeild kvenna: KR hrökk í gang í lokin

KR og Grótta fögnuðu sigrum í Lengjudeild kvenna í kvöld. KR fékk völsung í heimsókn.

Það var markalaust í hálfleik en Kara Guðmundsdóttir braut ísinn þegar skammt var til loka venjulegs leiktíma.

Þórey Björk Eyþórsdóttir bætti öðru markinu við og Katla Guðmundsdóttir innsiglaði sigurinn í lokin.

Það var jafnt í hálfleik þegar HK fékk Gróttu í heimsókn. María Lovísa Jónasdóttir kom Gróttu yfir snemma í seinni hálfleik og Nicole Douglas innsiglaði sigurinn.

Grótta er á toppnum með 27 stig, KR í öðru sæti með 22 stig, HK er í 4. sæti með 14 stig og Völsungur er í 9. sæti með átta stig.