Edon frá Keflavík til grannanna (Staðfest)

Edon Osmani hefur yfirgefið Keflavík og er mættur til grannanna í Víði Garði.

Edon er fæddur árið 2000 og hefur leikið yfir 50 leiki fyrir Keflavík. Hann hefur komið við sögu í tveimur leikjum í Bestu deildinni í sumar.

„Edon þarf vart að kynna fyrir stuðningsmönnum, enda lék hann bæði með yngri flokkum félagsins og síðar meistaraflokki. Hann snýr nú aftur til félagsins frá Keflavík, þar sem hann hefur leikið undanfarin tímabil. Það er afar öflugt að fá þennan liðsstyrk fyrir komandi átök í toppbaráttunni og hlökkum við til að sjá hann aftur í Víðistreyjunni," segir í tilkynningu Víðis.