Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
banner
   lau 17. ágúst 2019 20:24
Ívan Guðjón Baldursson
Rúnar Alex varði mark Dijon - Lommel og Roeselare töpuðu
Mynd: Getty Images
Rúnar Alex Rúnarsson varði mark Dijon í 1-0 tapi gegn Toulouse í annari umferð tímabilsins í Frakklandi.

Jean-Victor Makengo gerði eina mark leiksins á 54. mínútu og hafði Toulouse því betur í nokkuð jöfnum leik.

Dijon er stigalaust eftir tap gegn AS Saint-Etienne í fyrstu umferð á meðan Toulouse er komið með fjögur stig.

Toulouse 1 - 0 Dijon
1-0 Jean-Victor Makenga ('54)

Liðin undir íslenskri stjórn í belgísku B-deildinni töpuðu þá bæði leikjum sínum í dag.

Lærisveinar Arnars Grétarssonar hjá Roeselare töpuðu 4-1 fyrir Westerlo og eru með eitt stig eftir þrjár umferðir.

Lærisveinar Stefáns Gíslasonar í Lommel töpuðu 0-3 fyrir Virton og eru ekki búnir að skora mark í fyrstu þremur umferðunum.

Kolbeinn Þórðarson var ekki með vegna minniháttar meiðsla.

Lommel 0 - 3 Virton

Westerlo 4 - 1 Roeselare
Athugasemdir
banner
banner
banner