Birkir Bjarnason verður ekki í banni í umspilinu fyrir undankeppni EM 2020 þrátt fyrir að hafa fengið gult spjald í fyrri hálfleiknum gegn Moldóvu í kvöld.
Birkir var á hættusvæði fyrir leikinn í kvöld og fékk hann að líta gula spjaldið á 20. mínútu fyrir brot.
Leikurinn í kvöld er hins vegar síðasti leikurinn í undanriðlinum og er næst á dagskrá fyrir Ísland umspilið um sæti í lokakeppninni í mars.
Umspilið er aðskilið undanriðlinum svo Birkir, sem er búinn að skora eina mark leiksins gegn Moldóvu til þessa, mun ekki taka út leikbann.
Smelltu hér til að fara í beina textalýsingu frá leiknum gegn Moldóvu.
Athugasemdir