Fotbolti.net
18.01.19 - 11:36
Ívan Guðjón Baldursson

O'Neill fær Benalouane (Staðfest)

Benalouane á æfingu.

Benalouane á æfingu.

Canon

Mynd: Getty Images

Yohan Benalouane er fyrsti leikmaðurinn sem Martin O'Neill fær til Nottingham Forest eftir að hann tók við stjórn liðsins fyrr í vikunni.

Félagaskiptin voru staðfest í dag.
Benalouane er 31 árs miðvörður frá Túnis sem kemur á frjálsri sölu frá Leicester. Hann skrifar undir 18 mánaða samning við Nottingham.

Benalouane á einn leik að baki fyrir U21 lið Frakka og fimm leiki að baki fyrir A-landslið Túnis. Hann er uppalinn í Frakklandi og hafnaði nokkrum sinnum að spila fyrir Túnis því hann vildi komast í franska landsliðið. Í fyrra samþykkti hans loks boð um að spila fyrir Túnis og fór með á HM í Rússlandi.

Benalouane var keyptur til Leicester sumarið 2015 en fann sig aldrei hjá félaginu og kom aðeins við sögu í sextán deildarleikjum á þremur árum.

Nottingham Forest er í níunda sæti ensku Championship-deildarinnar.


Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.