Fotbolti.net
18.04.18 - 15:02
Elvar Geir Magnússon

Grétar Rafn og félagar ráða Joey Barton sem stjóra (Staðfest)

Joey Barton er nýr stjóri Fleetwood.

Joey Barton er nýr stjóri Fleetwood.

Canon

Mynd: Getty Images

Fleetwood Town hefur tilkynnt að Joey Barton verði nýr knattspyrnustjóri félagsins frá og með 2. júní. Hann gerði þriggja ára samning.

Grétar Rafn Steinsson, fyrrum landsliðsmaður Íslands, er yfirmaður fótboltamála hjá Fleetwood.

Hinn umdeildi Barton er 35 ára en hann spilaði meðal annars með Manchester City, Queens Park Rangers og Burnley á ferli sínum.
Barton þekkir stjórnarformann Fleetwood vel en það er viðskiptamaður sem heitir Andrew Pilley.

Barton segist vera í skýjunum með tækifærið og segist vera að taka við metnaðarfullu félagi.

Stjórnarformaðurinn Pilley segist mjög spenntur.

„Þetta er stór ráðning fyrir félagið. Joey hefur mikla reynslu og ég tel að hann gæti orðið einn besti stjórinn af nýrri kynslóð. Ég hef þekkt hann í mörg ár og er viss um að hann sé tilbúinn fyrir þetta skref,\" Pilley.

Barton hefur verið mjög umdeildur á sínum ferli og ekki legið á skoðunum sínum. Hann hefur verið þekktur fyrir stuttan kveikiþráð og þá hefur hann verið í banni frá afskiptum af fótbolta síðan í fyrra vegna þess að hann var að veðja á fjölda leikja þegar hann lék með Burnley.

Þjóðverjinn Uwe Rösler var rekinn sem stjóri Fleetwood í febrúar og hefur bráðabirgðastjóri, John Sheridan, stýrt liðinu síðan en það er í 14. sæti ensku C-deildarinnar.

England 1. deild - karlar

#LiðLmunStig
1Huddersfield14+1629
2Stockport15+1429
3Oxford United13+1126
4Luton14+624
5Sheff Wed14+1123
6Plymouth15-123
7Reading15+822
8Bradford13+222
9MK Dons14+621
10Cambridge United14021
11Leicester13+319
12Mansfield Town13+219
13Wycombe13-218
14Leyton Orient13+517
15Burton15-717
16Stevenage12+416
17Wimbledon14-1116
18Notts County12-114
19Wigan15-1014
20Blackpool13-512
21Doncaster Rovers13-812
22Peterboro13-1210
23Barnsley13-119
24Bromley13-209
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.