Fotbolti.net
18.04.22 - 17:07
Sæbjörn Þór Þórbergsson Steinke

Keflavík fær miðjumann frá Úkraínu (Staðfest)

Keflavík fær miðjumann frá Úkraínu (Staðfest)
Canon

Mynd: Keflavík

Keflavík greindi frá því í dag að félagið væri búið að tryggja sér þjónustu leikmanns frá Úkraínu út þetta tímabil. Hann kemur á láni frá FK Oleksandriya sem spilar í efstu deild í Úkraínu.

Ivan leikur í stöðu miðjumanns og hefur töluverða reynslu úr efstu og næst efstu deild í heimalandinu.
„Ivan kemur sem fyrr á láni til okkar og gildir lánssamningurinn fram í Júlí. Ivan kemur til með að styrkja leikmannahópinn okkar mikið," segir í færslu Keflavíkur.

Hann verður ekki kominn með leikheimild þegar Keflavík mætir í heimsókn í Kópavoginn í fyrstu umferð Bestu deildarinnar á morgun.

„Verið er að vinna hörðum höndum að því að fá leikheimild fyrir Ivan sem verður því miður ekki klár fyrir leikinn gegn Blikum. Ivan er þegar kominn til landsins með fjölskyldu sinni. Velkominn Ivan! 🙌" segir í tilkynningu Keflavíkur.

Þetta er annar nýi leikmaðurinn sem Keflavík kynnir í dag en fyrr í dag var greint frá því að Adam Ægir Pálsson væri kominn frá Víkingi.

Komnir
Adam Ægir Pálsson frá Víkingi á láni
Ásgeir Páll Magnússon frá Leikni F.
Dani Hatakka frá Finnlandi
Ernir Bjarnason frá Leikni R.
Ivan Kalyuzhnyi frá Úkraínu á láni
Patrik Johannesen frá Noregi
Rúnar Gissurarson frá Reyni S.
Sindri Snær Magnússon frá ÍA
Edon Osmani frá Reyni (var á láni)

Farnir
Ástbjörn Þórðarson í FH
Christian Volesky til Bandaríkjanna
Davíð Snær Jóhannsson til Ítalíu
Oliver Kelaart í Þrótt Vogum
Helgi Bergmann Hermannsson í Víði (á láni)

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.