England: Man Utd komið með annan fótinn í Meistaradeildina

Manchester United er skrefi nær því að spila í Meistaradeild Evrópu á næstu leiktíð eftir nauman 1-0 sigur á Chelsea á Stamford Bridge í kvöld.

United-liðið var ekkert sérstaklega sannfærandi í Lundúnum en það er ekki spurt að því í leikslok hvort liðið var betra heldur eru það mörkin sem telja og United þurfti bara eitt.

Chelsea var með yfirhöndina mest allan leikinn og líklegra til að skora, en United gerði eina markið gegn gangi leiksins á 43. mínútu er Bruno Fernandes fékk boltann hægra megin við teiginn, keyrði inn og sendi boltann á miðjan teiginn þar sem Matheus Cunha var mættur til að setja boltann í netið.

Wesley Fofana, varnarmaður Chelsea, var á því augnabliki fyrir utan völlinn að fá aðhlynningu og nýttu United-menn sér það til fulls.

Staðan í hálfleik 1-0 fyrir United og áfram héldu heimamenn að pressa á gestina í þeim síðari.

Chelsea-menn settu boltann tvisvar í þverslá. Fyrst á 57. mínútu frá Delap eftir fyrirgjöf Pedro Neto og svo aftur ellefu mínútum síðar en þá skallaði Fofana boltann í slá eftir aðra fyrirgjöf Neto.

Heimamenn náðu engan veginn að finna leið í gegnum vörn United sem hélt út.

Fjórða tapið í röð hjá Chelsea sem er áfram í 6. sæti með 58 stig á meðan United er í 3. sæti með 58 stig og gæti mögulega tryggt Meistaradeildarsætið í næstu umferð.